Transcription
1
Monseigneur, je vous ay escript puis quatre jours que monsieur de Gargas est
2
tumbé malade de la petite veirolle, de laquelle il a esté bien fort
3tormenté par lexpace de quatre ou cinq jours [barré : puis ] dune fiebvre qui
4
ne luy donnoyt repos, jour ne nuit. Maintenent, graces à Dieu,
5
il se commence à bien porter. Jespère en Dieu que dans quinze jours
6
il sera gueri, comme est le puiené de monsieur de Rosset, qui se porte
7
maintenent fort bien, mais son frère et Antibou tumbarent malades
8
troys ou quatre jours avant que monsieur votre filz, qui ma esté
9
une grande fascherie car à mesure quilz prenoyt mal, il me falloit
10
loyer des chambres pour les separer, qui est grande despence. Il ny a plus
11
que La Coste que je n’attends que lheure quil tumbe. Jay retenu
12
des chambres au collège de Bourgongne qui ma semblé le plus propre
13et plus nest, comm’aussi a esté ladvis de monsieur du Chastellard du [barré : ladvis ] conseil
14
duquel je lay faict mais je n’ay encores peu achepter des meubles,
15
car ilz sont fort chers et je n’ay pas assez argent pour les
16
enfans de monsieur de Rosset et Antibou pour la despence que nous
17
avons faict puis Roane. Et pour les acoutrementz quil leur a fallu
18
achepter et la maladie qui maintenent leur est survenue, en laquelle
19
il fault beaucoup despendre d’extraordinaire, jen ay escript à monsieur
20
de Rosset. Sil ne m’envoye argent bien tost, je ne porrey achepter
21meubles ni me mettre dans le collège ; [barré : parquoy ] et par mesme
22
moien executer votre volunté et si je ne le fais par tout cest moys
23
de septembre, je ne le porrey lavoir de toute l’année et se me seroyt
24
une grande perte, car il me fauldroye aussi bien payer linterest des
25
chambres que j’ay retenu, je n’achepterai point de lit pour monsieur
26
votre filz que je n’ay responce de mondit sieur de Rosset. A tant,
27
prierai Dieu
28
Monseigneur vous donner en parfaicte santé très longue et très heureuse vie.
29
De Paris, ce VIIe juillet [sic, pour août] 1572
30
Votre très humble et obeissant
31
serviteur
32
Jean Besson